إهداء إلى أمى الغالية ....

وحشتينى جداً جداً محتاجة اشوفك قوى واقعد اتكلم معاكى زى زمان لما كنت اجى افضفض معاكى وانت بتسمعينى وبتغسلى كل همومى بمجرد ابتسامة منك ومسحة بإيدك على شعرى وبتهونى عليه كل الضيق والحزن اللى بحس بيه كنت دايما بمجرد الكلام معاكى بنسى كل اللى انا فيه او بحس بيه وجودك كان فارق معايا قوى فى كل حاجة ماكنتش بشيل هم اى حاجة بالعكس كانت كل حاجة بتهون مهما كانت عظيمة لمجرد انى حاسة انك موجودة معايا او جانبى اما دلوقت مش بلاقى حد اتكلم معاه واذا وجدت اشخاص اتكلم معاهم مش بحس بنفس الراحة اللى كنت بحسها معاكى لإنك الوحيدة اللى كنت بتستحملينى حتى لو انت تعبانة كنت بتخففى عنى من غير ما تضايقى .
هذا البوست إهداء إلى أمى فى عيد الأم .
الله يرحمها ويسكنها فسيح جناته ويجمعنى بها على خير .